Aksidenti tragjik i ndodhur në Durrës në orët e para të mëngjesit të së mërkurës, nga i cili humbën jetën dy shqiptarët 26-vjeçari Kleo Vrioni dhe 15-vjeçari Alvi Muhaxhiri, e italinja 25 vjeçare Sara Brugentelli, ka marrë vëmendje dhe nga mediat e huaja. Në një raportim të bërë së fundmi nga mediat italiane, është bërë me dije se familja Brugentelli po përballet me vështirësi në tërheqjen e trupit të pajetë të vajzës së tyre, për të cilën thonë se nuk ishin në dijeni se ishte martuar.
“Na është thënë se duhet të mbërrijë në Itali javën tjetër, ndoshta të martën ose të mërkurën, por ende nuk kemi një datë të saktë”, ka thënë kushëriri i Sarës në një prononcim të dhënë për mediat. Familja italiane është në pritje e mundimshme për familjen, e cila tani po përpiqet të kuptojë saktësisht se çfarë ka ndodhur nëpërmjet Ministrisë së Punëve të Jashtme, ambasadës dhe avokatëve të tyre.
Ndërsa hetimet për zbardhjen e ngjarjes vazhdojnë në Shqipëri, familja italiane kujton mes lotësh momentet me Sarën dhe përqafimin e fundit të të resë me ata.
“Babi është i shkatërruar,” thotë kushëriri i saj. “Po përpiqemi ta mbajmë larg lajmeve sepse është i brishtë dhe nuk duam t’ia shtojmë vuajtjet .”
Detaje shokuese janë mësuar në lidhje me marrëdhënine dyshes Kleo-Sara, pasi nga emdiat italiane mësohet se familja e të resë nuk ishte në dijeni të martesës së saj me shqiptarin.
Corriere della Sera ka sjellë një panoramë të ditëve të tyre të fundit, për të cilat shkruajnë se Sara jetonte në Zocco që nga viti 2005, por kohët e fundit një pjesë të jetës e kalonte në shtëpinë e Kleo Vrionit në Ponte San Pietro, në zonën e Bergamos, ku 25-vjeçari punonte si murator. Në të njëjtin vend ajo mësohet se kishte gjetur punë si shitëse në një dyqan me artikuj për kafshë.
Në lidhje me kurorëzimin e dashurisë së dy të rinjve, të ndodhur tre ditë para se ata të jepnin frymën e fundit, familja e 26-vjeçares, megjithatë, ka deklaruar se nuk ishte informuar për martesën dhe për këtë arsye po përpiqet të verifikojë se çfarë ka ndodhur. Hipoteza është se dy të rinjtë janë martuar në Shqipëri, me një ceremoni private, rrethanë që ende duhet të konfirmohet.
Vdekja tragjike e Sarës dhe dy shqiptarëve të rinj, ka tronditur jo vetëm komunitetin shqiptar por dhe atë në Zoccos ku persona të shumtë janë mbledhur rreth familjes, së bashku me shumë miq të vajzës së re, në kujtim të të resë.
“Ajo ishte si një motër për mua,” vazhdon kushëriri i saj. “Shumë e gëzuar, bujare. Një humbje e madhe.”
Aksidenti tragjik i ndodhur rreth orës 2 të mëngjesit të së mërkurës në Manzë të Durrësit, i trondit të gjithë. Pamjet e siguruara nga grupi hetimor zbuluan momentin kur “BMW”-ja me të cilën udhëtonin pesë të rinjtë, shfaqet duke ecur me shpejtësi marramendëse, pastaj përplaset fort në tokë e anon. Nga aksidenti humbën jetën në vend drejtuesi i makinës Kleo Vrioni, partnerja e tij Sara Brugentelli dhe i mituri Alvi Muhaxhiri.
Mes lotësh e dhimbjesh, të afërm, miq e familjarë i kanë dhënë lamtumirën e fundit Alvit, pasditen e së mërkurës. Një dhimbje e papërshkrueshme ka pllakosur në Sukth në familjen Muhaxhiri, miq, shokë, shoqe e mësues të cilët kanë reaguar zemërthyer për humbjen tragjike të të miturit.
Akoma më i rëndë mbetet fakti që Kleo Vrioni dhe partnerja e tij italiane sa ishin martuar e po kalonin disa ditë pushimi në Shqipëri, aty ku festa dhe qejfi u shndërrua në tragjedi. Pas një nate të kaluar në një klub nate, në gjendje të alkoolizuar, Kleo Vironi humbi kontrollin e mjetit duke përgjakur Manzën, ngjarje çka shkaktoi një dhimbje që nuk ka shërim për të afërmit, miqtë e familjarët e tyre.
