Bukayo Saka vazhdon të jetë një nga liderët kryesorë të Arsenalit dhe klubi ka lëvizur shpejt për ta mbajtur yllin e tij. “Topçinjtë” kanë arritur marrëveshje për zgjatjen e kontratës me kushte të përmirësuara.
Sipas gazetarit të njohur David Ornstein, Saka ka rënë dakord për një kontratë të re që do të jetë e vlefshme deri në qershor 2031. Kontrata e tij aktuale skadonte në verën e 2027-s, ndaj ky rinovim konsiderohet një mesazh i fortë për të ardhmen e klubit.
Saka është produkt i akademisë së Arsenalit dhe debutoi me ekipin e parë në vitin 2018. Deri tani, ai ka zhvilluar 290 ndeshje me fanellën e “Gunners”, duke shënuar 77 gola dhe duke dhënë 78 asistime.
Këtë sezon, Saka ka luajtur 27 ndeshje, me 6 gola dhe 6 asistime, duke konfirmuar rolin e tij vendimtar në ekip.
