Presidenti Joe Biden dekoroi me medaljen më të lartë civile të kombit, Medaljen e Lirisë, 19 persona të shtunën, duke përfshirë një gamë të gjerë personalitetesh në politikë, kulturë dhe arte. Mes të nderuarve ishin ish-kandidate për president të Partisë Demokratike Hillary Clinton, dizajneri Ralph Lauren, këngëtari i U2 Bono, dhe filantropi i njohur George Soros.
“Për herë të fundit si president, kam nderin t’i jap Medaljen e Lirisë, nderim më të lartë civil të kombit tonë, një grupi njerëzish të jashtëzakonshëm — vërtet të jashtëzakonshëm, të cilët dhanë përpjekjet e tyre të shenjta për të formuar kulturën dhe kauzën e Amerikës,” tha Biden në një fjalim të shkurtër.
