Shifrat e Kylian Mbappe nuk janë ende ato që priten, por mbi të gjitha performancat e tij janë ato që po diskutohen.
Si qendërsulmues, në fakt, francezi nuk është në gjendje të performojë mire. Një problem që Karim Benzema e analizoi gjatë një interviste të gjatë në El Chiringuito: “Për mua problemi është se ai nuk është qendërsulmues.
Sa herë që luan si ‘9’ me Francën, nuk është mirë. Nuk është pozicioni i tij, por në të majtë është një djalë që i ngjan dhe është në të njëjtin nivel me të, Vinicius”,- tha ish-lojtari i Real Madridit, tani në Al Ittihad.
Sipas Benzemas, duhet të jetë bashkëkombasi i tij ai që duhet të përshtatet: “Mendoj se Vinicius nuk mund të luajë si ‘9’ apo djathtas, sepse në çdo ndeshje ai bën diferencën në të majtë. Ancelotti e di mirë situatën dhe do të shohim se çfarë do të ndodhë…”.
Ish-ndërkombëtari francez (97 paraqitje, 37 gola) i jep disa këshilla të vogla ish-bashkëkombasit të tij: “Kylian nuk duhet të dorëzohet. Unë nuk mendoj se Vinicius do të ndryshojë pozicionin e tij. Ai është aktualisht më i miri në botë dhe nuk mund të lëvizet.
Ata duhet ta bëjnë atë të kuptojë që tani është një ‘9’ dhe që duhet të harrojë krahun e majtë. Për mua ishte ndryshe, unë isha 21 vjeç kur mbërrita te Reali. Nuk është njësoj për Mbappen, i cili ka 25 dhe nëse nuk shënon gol për dy ose tre ndeshje, kritikat do ta kryqëzojë.
Ju gjithashtu mund të fitoni “Topin e Artë”, por duhet të mësoni të jetoni me atë presion, i cili është shumë i fortë dhe ndryshe nga PSG. Ata e blenë atë për të shënuar gola dhe ai duhet të ketë sukses”.
