Federata Argjentinase e Futbollit ka dalë publikisht në mbështetje të Gianni Infantinos, pavarësisht polemikave të fundit që kanë përfshirë presidentin e FIFA-s.
Përmes një deklarate zyrtare, AFA vlerësoi punën e Infantinos gjatë dhjetë viteve të fundit, duke theksuar zhvillimin e futbollit në nivel global dhe atë që e cilësoi si një model qeverisjeje të qartë, të qëndrueshme dhe transparente.
Federata argjentinase përshëndeti gjithashtu vendimin e FIFA-s për t’u tërhequr nga projekti “FIFA Forward Enterprise”, i cili parashikonte përfshirjen e investitorëve privatë në kompeticionet ndërkombëtare.
AFA pranoi se gjatë këtij procesi u bënë gabime, por vlerësoi faktin që Infantino i pranoi ato dhe u kërkoi ndjesë 211 federatave anëtare.
“Besojmë fuqishëm se rruga përpara është të vazhdojmë të punojmë nën drejtimin e tij, për të zhvilluar një futboll edhe më të mirë dhe më gjithëpërfshirës”, thuhet në deklaratë.
