Analisti Andi Bushati, i ftuar në emisionin “Të Paekspozuarit” në MCN TV, deklaroi se elita politike në vend, nuk mund të bjerë me zgjedhje dhe rregullat e lojës që kemi aktualisht.
Bushati tha se e vetmja mënyrë që lëvizja popullore të ketë sukses, është të vazhdojë që sistemi të rrëzohet vetë.
“Jemi në situatë groteske. Në vitet ’90 njerëzit po bëheshin gati të dlnin në rrugë, elita i thoshte popullit do ti japim tufëzat, arëzat, do të bëjmë disa partiza.
Ata në protestë thonë, “ju ka ardhur fundi”. Përfaqësuesit e PS thonë do të retushojmë pak ligjin për investimet strategjike, ligjet për mjedise. Ata thonë nuk duam t’ju shofim sytë, edhe këtyre edhe neve. Pra, vetëm mënyra se si kjo elitë e mykur, po i përgjigjet protestës, tregon se këta kanë dalë jashtë loje.
Prandaj çfarë kërkojnë, të bëjnë këta një përfaqësi që të vijnë dhe të diskutojnë? E çfarë do të diskutojnë? Mua nuk më duket kaotike protesta. Qëllimi është i qartë. Rama të ikë. Berisha dhe Rama në burg, nuk i fusin ata, por mënyra për të dalë nga loja. Ju erdhi fundit, mjaft stop. Si arrihet politikisht ? Duke goditur njeriun që e mban në këmbë këtë sistem, që është Edi Rama. Kërkesa është thelbësisht politike, ik ti që je në majë të piramidës, që të shembet kjo piramidë. Puna është që kjo piramidë bashkë me atë që e mban duhet të ikë.
Kjo nuk bëhet duke thirrur zgjedhje. Ata njerëz thonë për ne zgjedhjet si i bëni ju nuk janë zgjidhje. Zgjedhje me Bajrat e Koçekut, me të njëjtat media, me të njëjtat fytyra publike të diskretituara, nuk mund të ketë më, pasi do të prodhojnë të njëjtin rezultat.
Po e kap nga mediat. Në ditët e para kishte slogan, doli njëri aty, thanë nuk na transmetojnë Topi, Klan dhe Vizioni, mos bëni gjë, hiqni nga celulari juaj aplikacionet e këtyre televizioneve. Nëse bëhet kjo çfarë impakti ka? I vjetërson dhe myk në sytë e publikut më shumë seç ka mykur Edi Ramën.
Kjo lëvizje duhet të vazhdojë që sistemi të bjerë vetë. Po kërkuam të bëjnë përfaqësi dhe të shkojnë te Rama, kjo nuk zgjidh asgjë”, deklaroi Bushati.
