Rrugët e Shqipërisë përgjaket çdo ditë nga aksidentet automobilistike, duke lënë pas qindra të lënduar dhe jetë të humbura.
Raporti I fundit i INSTAT ka evidentuar në se në 6 muajt e parë të këtij viti janë regjistruar 679 aksidente rrugore, me 952 persona të plagosur mes të cilëve disa kanë ndërruar jetë.
Ekspertët e statistikave kanë evidentuar se ky numër aksidentesh është 6.8% më i lartë krahasuar me të njëjtën periudhë të vitit të shkuar.
Qershori rezulton me numrin më të lartë të akidenteve. Të dhënat flasin për 132 aksidente, ku mbetën të vrarë ose të plagosur 186 persona, nga 107 aksidente dhe 140 të aksidentuar në të njëjtin muaj të vitit 2025.
Sipas INSTAT, 93.9% e aksidenteve të regjistruara në qershor ndodhën si pasojë e sjelljes së drejtuesve të mjeteve. Grupmosha 35-44 vjeç përbënte peshën më të madhe të drejtuesve të përfshirë në aksidente, me 28% të totalit.
Tirana regjistroi numrin më të lartë të aksidenteve në vend gjatë gjashtëmujorit, me 277 raste dhe 345 persona të vrarë ose të plagosur. Pas saj renditen Lezha me 74 aksidente dhe Vlora me 67.
Një në katër aksidente ndodhi në intervalin 19:00-24:00, ndërsa dita me numrin më të lartë të rasteve ishte e marta, me 18.9% të totalit. E enjtja regjistroi incidencën më të ulët, me 7.6%.
