Një aksident është regjistruar pasditen e sotme në superstradën Lezhë-Milot. Mësohet se dy automjete janë përplasur me njëra-tjetrën në afërsi të kryqëzimit të Gajushit. Nga ky aksident kanë mbetur të plagosur dy persona. Të plagosurit janë dërguar për ndihmë mjekësore në spitalin rajonal të Lezhës.
Sipas të dhënave paraprake janë jashtë rrezikut për jetën. Ende nuk dihen shkaqet e këtij aksidenti. Policia rrugore ka mbërritur në vendngjarje dhe kanë nisur hetimet për të përcaktuar shkaqet që shkaktuan përplasjen e këtyre dy automjeteve.
