Një aksident i rëndë automobilistik i ndodhur në orët e vona të mbrëmjes pranë “Pallatit me Shigjeta” në Tiranë, ka degjeneruar në një përplasje të dhunshme mes drejtuesve të automjeteve të përfshirë.
Sipas raportimeve të para, në aksident janë përfshirë një automjet luksoz tip Mercedes-Benz GLE dhe tre makina të tjera.
Pas përplasjes, situata ka dalë jashtë kontrollit kur shoferët kanë nisur të konfrontohen fizikisht, madje edhe me mjete të forta si leva hekuri. Konflikti ka ndodhur në sy të qytetarëve të shumtë, duke shkaktuar panik dhe bllokim të qarkullimit në zonë.
Pas sherrit, të përfshirët janë larguar me shpejtësi në momentin që një patrullë policie iu afrua vendit të aksidentit. Autoritetet kanë nisur hetimet për identifikimin e personave të përfshirë dhe zbardhjen e rrethanave të ngjarjes.
