Ferrari ka prezantuar një hypercar virtuale të quajtur F76, e cila simbolizon të ardhmen e markës legjendare, por kurrë nuk do të prekë asfaltin e rrugës. Ky model u zbuluar në Mugello dhe është një homazh për Ferrari 166 MM të vitit 1949, që fitoi Le Mans me Luigi Chinetti dhe Lord Seldon. F76 është projektuar nga Flavio Manzoni dhe është e rezervuar ekskluzivisht për anëtarët e ‘Hyperclub’, një komunitet dedikuar klientëve të Ferrari brenda botës së endurance.
Çdo ekzemplar i F76 është një NFT (non-fungible token), duke ofruar një identifikues digjital unik. Kjo përfaqëson një rrugëtim krijues trevjeçar, duke bashkuar artin digjital me inxhinierinë virtuale. Kështu, Ferrari krijon një hapsirë të re ku pasioni për markën e njohur italiane, e njohur si Cavallino Rampante, takon metaversin.
F76 nuk është udhëtimi i parë i Ferrari në botën digjitale; vitin e kaluar, kompania prezantoi Vision Gran Turismo, një hipermakinë e dizajnuar për universin e lojës Gran Turismo 7. Ky hap i ri në botën virtuale nënvizon angazhimin e Ferrari për inovacion dhe adaptim në një mjedis gjithnjë e më dixhital, duke e sjellë entuziazmin dhe pasionin e automobilizmit në një platformë të re.
Kjo nismë është një dëshmi e evolucionit të industrisë së makinave dhe përfshirjes së teknologjisë për të ofruar përvoja të reja dhe unike për pasionantët e makinave. Me F76, Ferrari jo vetëm që nderon trashëgiminë e saj, por gjithashtu hap dyer të reja për të ardhmen e markës në një botë të ndryshme dhe digjitale, kur pasioni për automobilat, artin dhe teknologjinë bashkohen.
