Dani Carvajal ka përjetuar sërish probleme fizike, pasi Real Madrid konfirmoi se kapiteni i ekipit do t’i nënshtrohet një artroskopie në gjurin e djathtë. Ky lajm erdhi pas një ekzaminimi nga stafi mjekësor i klubit pas ndeshjes së fundit kundër Barcelonës, në të cilën ai u aktivizua në minutën e 72, duke zëvendësuar Valverden. Gjatë atyre minutave, Carvajal nuk tregoi shenja shqetësimi, por pas ndeshjes ai ndjeu dhimbje dhe vendosi të konsultohej me mjekët e klubit.
Sipas përfundimeve të ekspertëve, ai ka zhvilluar një trup të lirë articular në gjurin e operuar disa muaj më parë. Pas këtij zhvillimi, nuk është përcaktuar një periudhë e saktë rikuperimi, megjithatë pritet që Carvajal të qëndrojë jashtë fushave për 2 deri në 3 muaj. Kjo është një goditje e rëndë për futbollistin, veçanërisht pas dëmtimit të gjatë që ai pësoi në tetor të vitit të kaluar, kur u detyrua të largohej nga fusha për rreth 9 muaj pas një lëndimi të ligamenteve.
Dëmtimi i Carvajalit vjen në një kohë kur ai ishte në qendër të vëmendjes, jo vetëm për performancën e tij në fushë, por edhe për polemikat e krijuara me Lamine Yamal në fund të El Clasicos.Kjo situatë ka zgjuar debate për pasojat që mund të ketë në përfaqësuesen spanjolle dhe në zhvillimet e tjera në futbollin evropian. Megjithatë, dëmtimi i tij është një lajm i keq për Real Madridin, i cili do të duhet të përballet pa kapitenin e tij, një nga lojtarët më të rëndësishëm në përbërjen e ekipit.
Në përfundim, Carvajal po kalon një periudhë të vështirë, duke u përballur me një rikuperim të ri, pak muaj pas rikthimit të tij në fushë, gjë që e bën këtë situatë edhe më komplekse për karrierën e tij dhe pritet që tifozët dhe klubi të presin me tension lajmet e reja për statusin e tij shëndetësor.
