Gjykata e Posaçme ka lënë në fuqi masën e sigurimit “arrest në burg” për dy vëllezërit Kristi dhe Aleksander Bushgjokaj.
Të dy akuzohet për rrëmbimin dhe vrasjen e 22-vjeçarit Renis Dobra në Burrel.
Dy personat e tjerë të akuzuar për këtë ngjarje, Petrit Çakërri dhe Fatjon Bushgjoka nuk dolën sot para gjykatës.
Avokati ka pretenduar se kanë kaluar afatet ligjore nga shpallja e mos kompetencës dhe dorëzimi i dosjes në gjykatën e Posaçme Kundër Korrupsionit dhe Krimit të Organizuar.
Ngjarja ndodhi mbrëmjen e 8 korrikut të këtij viti.
Dy vëllezërit akuzohen se në bashkëpunim me vëllain tjetër Fatjonin dhe shtetasin Petrit Hoxha alias Petrit Cakrri rrëmbyen dhe mbytën 23 vjeçarin Renis Dobra mbrëmjen e 8 Korrikut, trupi i pajetë i të cilit u gjet në breg të liqenit të Shkopetit mëngjesin e 9 Korrikut.
