Arsenali shënoi një gol të barazimit në minutat e fundit të ndeshjes derbi ndaj Manchester Cityt.
Skuadra e drejtuar nga Mikel Arteta mori një pikë të vlefshme, falë golit të Gabriel Martinellit në minutën e 92-të.
Arsenali kërkoi golin gjatë gjithë pjesës së dytë, pasi ishte në disavantazh që nga pjesa e parë kur Erling Haaland realizoi gol për Cityn në minutën e tetë, pas një kundërsulmi vrastar të organizuar prej tij.
Ndeshja u zhvillua në “Emirates Stadium” dhe përfundoi me rezultatin 1-1, duke i dhënë secilës skuadër nga një pikë.
Me këtë rezultat, Arsenali ngjitet në kuotën e 10 pikëve në vendin e dytë, pesë pikë prapa Liverpoolit që ka fituar të gjitha pesë ndeshjet e para. Ndërkohë, Manchester City ka grumbulluar shtatë pikë në pesë ndeshjet e para.
