Një Gjykatë Federale e Apelit ka vendosur se shumica e tarifave globale të vendosura nga ish-presidenti Donald Trump janë të paligjshme, duke argumentuar se ai tejkaloi pushtetet e tij të emergjencës ekonomike si president.
Tarifat, të cilat preknin pothuajse çdo shtet me të cilin SHBA ka marrëdhënie tregtare, do të mbeten në fuqi deri në mes të tetorit, duke hapur rrugën për një sfidë të mundshme në Gjykatën e Lartë të SHBA. Vendimi mbështet një vendim të mëparshëm të Gjykatës së Tregtisë Ndërkombëtare që gjithashtu hodhi poshtë argumentin e Trump se tarifat ishin të ligjshme sipas Aktit për Fuqitë Emergjente Ekonomike Ndërkombëtare (IEEPA).
Gjykata e Apelit theksoi se ligji nuk i jep presidentit autoritet të gjërë për të vendosur tarifa dhe se kjo fuqi i përket Kongresit. Vendimi u mor me një shumicë 7-4, duke hodhur poshtë argumentet e Trump se tarifat ishin të justifikuara nga një emergjencë kombëtare për shkak të mospërputhjes tregtare.
Vendimi mund të ndikojë menjëherë në ekonominë amerikane dhe tregjet globale, pasi tarifat ndikojnë në çmimet e importit, marzhet e fitimit dhe marrëdhëniet tregtare ndërkombëtare. Ekspertët paralajmërojnë pasiguri për bizneset ndërkombëtare dhe ngadalësim të aktivitetit ekonomik nëse çështja nuk zgjidhet shpejt.
Çështja pritet të shkojë në Gjykatën e Lartë të SHBA, ku me shumicën konservatore rritet mundësia që presidenti të kërkojë mbështetje për përdorimin më agresiv të IEEPA-s në të ardhmen. Nëse Gjykata e Lartë konfirmon vendimin e gjykatës federale, tarifat mund të hiqen përfundimisht dhe SHBA do të përballet me pasiguri të mëtejshme për marrëdhëniet tregtare dhe ekonominë globale./BBC
