Gjykata Themelore në Gjilan, departamenti i përgjithshëm ka lëshuar urdhërarrest ndërkombëtar ndaj modeles Arbenita Ismajlit. Lajmi është konfirmuar nga mediat në Kosëvë që kanë dhënë më shumë detaje lidhur me ngjarjen. Shkak për urdhërarrestin është bërë fakti që modelja nuk e ka respektuar vendimin e Gjykatës për të respektuar takimet e të bijës me babanë, reperin Feronit Shabani.
“Në ditën që është bërë kërkesa nga ana e Prokurorisë Themelore në Gjilan, Gjykata ka ndërmarrë gjitha veprimet e nevojshme komfor kompetencave ligjore dhe në përputhje me legjislacionin në fuqi, duke lëshuar urdhërarrestin dhe letër rreshtimin ndërkombëtar ndaj të pandehurës Arbenita Ismajli. Në mes të muajit qershor të këtij viti, Prokuroria Themelore në Gjilan ka nxjerrë një aktvendim për fillim të hetimeve ndaj Ismailit, pasi që, sipas tyre, ekziston dyshimi i bazuar se ajo nuk ka zbatuar vendimin e gjykatës për të takuar vajzën me babanë biologjik, Feronit Shabani, duke kryer kështu veprën penale Mospërfillje e gjykatës. Nga 19 marsi i këtij viti, Arbenita Shabani lsmajli, me dashje nuk i është bindur urdhrit apo vendimit të plotfuqishëm të Gjykatës… Prokurori i shtetit, pas vlerësimit të informatave, provave dhe materialeve të tërësishme të dorëzuara nga policia, ka ardhur në përfundim për të filluar hetimet në drejtim të veprës penale Mospërfillje e gjykatës,”- ka thënë për Klan Kosovën, Sabit Shkodra, Udhëheqës i Zyrës për Informim dhe Komunikim me Media në Gjykatën e shkallës së parë në Gjilan.
Vendimi është marrë pasi u zbulua se më 4 korrik, Prokuroria e Gjilanit kishte nisur hetimet ndaj modeles së njohur Arbenita Ismajli. Modelja akuzohej se nuk e kishte lejuar të atin e vajzës së saj, reperin Feronit Shabani që të takohet me të bijën e tyre. Modelja ka shkelur vendimin e Gjykatës që i përcaktonte se duhet të respektonte takimet 2 herë në muaj me vajzës së saj dhe ish-bashkëshortit.
Dyshja u ndanë nga njëri-tjetri për arsye dhune. Reperi dhunoi dhe kërcënoi me jetë modelen, ndërsa kjo e fundit e denoncoi ish-bashkëshortin, të cilin gjykata e la në paraburgim për 30 ditë.
