Fotoja e këtij punonjësi të zjarrfikëses e publikuar nga Ministria e Mbrojtjes në rrjetet sociale, ka marrë një numër të madh kritikash e komentesh nga publiku.
E gjitha lidhet me një gafë të bërë nga PR-i i Ministrisë së Mbrojtjes, të cilët kanë publikuar foton e këtij zjarrfikësi për propagandë.
Ajo që ka tërhequr vëmendjen ka qenë uniforma e pastër xixë, ndërsa fytyra e efektivit e zezë blozë.
Publikut nuk i ka shpetuar detaji. “Hiqeni kete foto se eshtë turp kush e shikon. Veshja e paster si drita dhe surrati sikur ka fikur zjarr me turi,” komenton nje qytetar i revoltuar.
Kujtojmë se forcat zjarrfikëse e kanë pasur të vështirë punën gjatë ditëve të fundit për shkak të zjarreve të shumta që janë regjistruar në vend. Në Delvinë zjarrfikësit dështuan të mbajnë në kontroll flakët, të cilat shkrumbuan tre fshatra.
