Një ngjarje e rëndë tronditi qytetin e Budvës mëngjesin e sotëm, ku humbën jetën një baba dhe djali i tij. Për vrasjen dyshohet S.S. (65), xhaxhai dhe vëllai i viktimave, i cili u arrestua pak pas marrjes së njoftimit nga policia për të shtëna me armë zjarri.
“Rreth orës 8 të mëngjesit, nga Shërbimi i Gjatë i Drejtorisë së Sigurisë në Budva u pranua njoftim për përdorim të armës zjarri në rrugën Slovenska obala. Punonjësit e policisë reaguan menjëherë, e gjetën të dyshuarin S.S. në vendngjarje, sekuestruan armën dhe e arrestuan”, njoftoi policia.
Sipas mediave lokale, ngjarjes së rëndë i ka paraprirë një mosmarrëveshje familjare shumëvjeçare, për konkurrencën e barkave ne plazh, ndërsa shkaku i menjëhershëm duket se ka qenë një debat për transportin e turistëve me anije, aktivitet me të cilin viktimat dhe i dyshuari ishin marrë për vite me radhë.
Gazeta “Vijesti” raporton se një ditë para tragjedisë kishte ndodhur një grindje mes vëllezërve, gjatë së cilës S.S. thuhet se kishte kërcënuar se “do ta mbaronte punën me ta”.
Mëngjesin e sotëm, ai është paraqitur pranë një stende ku ndodheshin vëllai dhe dy kushërinjtë e tij. Dyshohet se ai ka nxjerrë armën, ka qëlluar për vdekje vëllain dhe më pas një nga djemtë e tij. Djali tjetër arriti të largohej dhe shpëtoi.
Pas krimit, i dyshuari është ulur në një kafene pranë vendngjarjes dhe ka pritur policinë, e cila e arrestoi menjëherë.
![09:30
‘Furnizonte’ Fierin me kanabis, arrestohet pas gjashtë muajsh hetimesh 31-vjeçari
Operacionet e policisë ndaj shpërndarjes së narkotikëve vazhdojnë. Sektori për Hetimin e Narkotikëve, në bashkëpunim me Prokurorinë dhe me ndihmën e Forcës së Posaçme Operacionale të DVP Fier, finalizuan operacionin e koduar “Target”. Hetimi zgjati për gjashtë muaj me metoda speciale. 31-vjeçari u arrestua pas ndjekjes […]](https://ilirianews.al/wp-content/uploads/2026/01/0930-‘Furnizonte-Fierin-me-kanabis-arrestohet-pas-gjashte-muajsh-hetimesh-350x250.png)
