Ka raste kur të gjithave na ka ndodhur të flemë pa hequr grimin, ndoshta nga lodhja, mungesa e kohës apo pas një dite të ngarkuar. Por, edhe pse mund të duket e padëmshme, kjo zakon mund të ketë pasoja serioze për shëndetin e lëkurës dhe syve tuaj.
Ja disa nga efektet anësore që mund të shkaktojë fjetja me make-up:
1. Irritim dhe infeksione të syve
Sipas dermatologut Dr. Joel Sclessinger, lënia e grimit në zonën e syve mund të çojë në tharje, skuqje, irritim dhe madje edhe infeksione të syve.
2. Plakje e parakohshme dhe rrudha
Dr. James C. Marotta thekson se gjumi me makijazh mund të përshpejtojë plakjen e lëkurës dhe të rrisë shfaqjen e rrudhave, duke e bërë lëkurën të duket më e lodhur dhe më pak e freskët.
3. Bllokim i poreve dhe shfaqje të puçrrave
Mosheqja e pudrës apo kremrave mund të bllokojë poret, duke favorizuar krijimin e puçrrave dhe problemeve të tjera të lëkurës.
4. Infeksione në qepallë dhe zona përreth syve
Fjetja me maskarë dhe laps sysh mund të bllokojë rrënjët e qerpikëve dhe të shkaktojë inflamacion apo infeksione në zonën e syve.
5. Dobësim dhe dëmtim të qerpikëve
Mbajtja e maskarës gjatë natës e dobëson strukturën e qerpikëve, duke i bërë më të brishtë dhe më të prirë për t’u thyer apo rënë.
