Sulmet amerikane në bazat bërthamore të Iranit kanë përshkallëzuar konfliktin dhe rritur shqetësimet për sigurinë në rajon, përfshirë edhe shtetasit shqiptarë që jetojnë atje.
Ndërsa nuk ka ende një numër të saktë të tyre, dihet se disa shqiptarë punojnë në televizionin shtetëror iranian dhe disa janë të martuar me shtetase iraniane. Shqipëria prej vitit 2022 ka ndërprerë marrëdhëniet diplomatike me Iranin, çka e vështirëson çdo përpjekje për evakuim e bashkëkombasve tanë.
Edhe pse nuk ka pasur kërkesa zyrtare për largim, disa shtetas shqiptarë në Iran kanë shprehur dëshirën për t’u kthyer, mes tyre një vajzë me origjinë nga Burreli e martuar me një shtetas iranian.
Ajo jeton në një qytet afër Teheranit dhe miqve të saj në Shqipëri u ka thënë, se në të njëjtin qytet jeton edhe një familje tjetër shqiptarësh me pesë anëtarë.
Autoritetet shqiptare pritet të përdorin kanale diplomatike e humanitare për t’i ndihmuar.
