Edhe pse për shumë prej nesh shalqiri i verdhë është një risi, ai prej kohësh është pjesë e tryezave në vende të tjera të botës. Ky frut i veçantë nuk është vetëm interesant për nga ngjyra, por edhe shumë i dobishëm për shëndetin.
Në krahasim me shalqirin e kuq, ai i verdhi ka disa dallime ushqyese që ia vlen të njihen. Një nga përbërësit kryesorë që e karakterizon është beta karoteni, një antioksidant i fuqishëm që ndihmon në forcimin e sistemit imunitar dhe mbron qelizat nga dëmtimet.
Një filxhan me copa shalqiri të verdhë përmban rreth 12 gramë karbohidrate dhe 1 gram proteinë. Karbohidratet janë burimi kryesor i energjisë për trupin, ndaj ky frut jo vetëm që ju freskon, por edhe ju jep energji gjatë ditës.
Shalqiri i verdhë është ideal për sallatat me fruta, pasi u shton jo vetëm ngjyra dhe shije, por edhe vlera ushqyese që ndihmojnë në parandalimin e sëmundjeve dhe ruajtjen e shëndetit të përgjithshëm.
