Samiti i gjashtë i Komunitetit Politik Europian do të mbahet sot, ku do të marrin pjesë 47 liderë shtetesh dhe qeverish nga e gjithë Europa, së bashku me drejtuesit e institucioneve kryesore evropiane dhe ndërkombëtare.
Kjo është hera e parë që një ngjarje e tillë zhvillohet në Ballkanin Perëndimor, duke shënuar një moment historik për Shqipërinë dhe rajonin. Pjesëmarrësit do të diskutojnë për çështje të sigurisë, konkurrencës ekonomike dhe fuqizimin e rinisë.
Disa nga liderët mbërritën ditën e djeshme, ndërsa të tjerë pritet të zbresin sot në Rinas.
Në mesin e figurave më të rëndësishme që marrin pjesë janë kryeministri britanik Keir Starmer, kancelari gjerman Friedrich Merz, presidenti francez Emmanuel Macron, kryeministrja italiane Giorgia Meloni, kryeministri spanjoll Pedro Sanchez, presidenti turk Recep Tayyip Erdogan, presidenti ukrainas Volodymyr Zelensky dhe Sekretari i Përgjithshëm i NATO-s, Mark Rutte.
