Një stuhi e fuqishme rëre ka përfshirë rajonet qendrore dhe jugore të Irakut, duke lënë pas mijëra njerëz me vështirësi në frymëmarrje dhe duke vendosur në alarm autoritetet shëndetësore në disa provinca.
Sipas të dhënave zyrtare, mbi 1,800 persona kanë kërkuar ndihmë mjekësore si pasojë e pluhurit të dendur. Në provincën Muthanna janë raportuar të paktën 700 raste të mbytjes, ndërsa 250 persona u trajtuan në Najaf dhe 322 pacientë, përfshirë fëmijë, në provincën Diëaniyah. Edhe provincat Dhi Qar dhe Basra u goditën rëndë, me 530 raste të tjera të raportuara.
Pamje të publikuara në rrjet tregojnë zona të mbuluara nga një mjegull e trashë portokalli, ndërkohë që stuhia ka shkaktuar ndërprerje të energjisë elektrike dhe pezullim të fluturimeve në disa rajone.
Stuhitë e pluhurit janë të zakonshme në Irak, por disa ekspertë besojnë se ato po bëhen më të shpeshta për shkak të ndryshimeve klimatike.
