Një aksident ka ndodhur ditën e sotme në qytetin e Elbasanit. Sipas informacioneve, drejtuesja e automjetit ishte duke parkuar makinën, ndërsa ka humbur kontrollin.
Ngjarja ka ndodhur para poliklinikës së qytetit, shoferja me iniciale M.B, 56 vjeçe në vend që të frenonte, i ka dhënë gaz makinës dhe ka marrë përpara bashkëshortin e saj dhe dyqanin e vogël që ishte aty.
Për pasojë ai ka mbetur i plagosur dhe është dërguar menjëherë në spitalin e Elbasanit për të marrë mjekimin e duhur dhe ndodhet jashtë rrezikut për jetën.
