Interi ka zyrtarizuar transferimin e Curtis Jones nga Liverpool, duke mbyllur me sukses një nga objektivat kryesore të merkatos.
Mesfushori anglez kalon te zikaltërit për rreth 35 milionë euro, me marrëveshjen që parashikon rreth 30 milionë euro fikse, 5 milionë në bonuse dhe 10% të një shitjeje të ardhshme.
Pas vizitave mjekësore dhe firmës së kontratës, Jones dha edhe fjalët e para si lojtar i Interit.
“Kam ndjesi fantastike. Prej kohësh doja të vija te Interi. Është një klub i jashtëzakonshëm dhe mendoj se është vendi perfekt për hapin tjetër në karrierën time. Do të jap gjithçka për këtë skuadër”, u shpreh ai.
Jones pritet të jetë në tribuna në debutimin e Interit ndaj Monza-s, përpara se të nisë zyrtarisht aventurën e tij me fanellën zikaltër.
