Declan Rice është kthyer një nga lojtarët kyç për Arsenalin, “Topçinjtë” paguan një shifër rekord prej 116 milionë eurosh për kartonin e tij tek West Ham në verën e vitit 2023.
Fichajes raporton se PSG është vënë pas mesfushorit anglez të Arsenal dhe është gati të ofrojë deri në 135 milionë euro për kartonin e tij, por përgjigjja e deritanishme e Arsenalit është “jo” e prerë.
Pavarësisht ofertës tunduese të francezëve, pozicioni i Arsenalit është i qartë: ata nuk kanë ndërmend ta lënë të lirë Declan Rice për një shumë më të vogël se 160 milionë euro, shifër që ata e konsiderojnë të drejtë për një lojtar me cilësi dhe potencial si mesfushori anglez.
Edhe pse Rice duket dhe është shprehur i kënaqur tek Arsenal, oferta e PSG-së është një tundim për çdo lojtar të nivelit të tij, veçanërisht duke marrë parasysh fuqinë blerëse të klubit parizie dhe synimin që ka për të arritur sukses në Europë.
