Lufta me flakët nuk bëhet vetëm për të mbrojtur banesat dhe jetën e qytetarëve, por edhe faunën e egër të vendit tonë.
Këtë e dëshmon edhe fotografia e kësaj arushe të murrmë me këlyshin e saj, e shkrepur nga efektivët e Forcave të Armatosura gjatë përgatitjes për operacionin e shuarjes së zjarreve në Shmil të Elbasanit.
Fotoja është shpërndarë në rrjet nga Ministri i Mbrojtjes Ermal Nufi.
Arusha duket se ka marrë këlyshin e saj dhe po largohet nga zona e rrezikut.
