Gara për Topin e Artë 2026 po nxehet gjithnjë e më shumë dhe këtë herë ka qenë Lamine Yamal që ka folur hapur për kandidaturën e tij, vetëm pak ditë pasi Kylian Mbappé bëri të njëjtën gjë.
“Mbappé dhe unë jemi dy lojtarët më të mirë në botë. Por mendoj se këtë vit e meritoj unë për atë që kam fituar. Për mua është shumë e qartë dhe kush i sheh ndeshjet e di”, deklaroi ylli i Barcelonës.
Lamine mbështetet kryesisht te sukseset e arritura me Spanjën dhe Barcelonën. Ai ishte një nga protagonistët e triumfit të Spanjës në Botëror, ndërsa me klubin katalanas fitoi La Ligën dhe e mbylli sezonin me 24 gola dhe 18 asistime në të gjitha kompeticionet.
Në anën tjetër, Mbappé vjen pas një sezoni të jashtëzakonshëm individual me Real Madridin, me 42 gola dhe shtatë asistime, ndërsa në Botëror u bë golashënuesi më i mirë në historinë e turneut me 22 gola në total.
Të dy konsiderohen mes favoritëve kryesorë për çmimin, ndërsa fituesi i Topit të Artë 2026 do të shpallet më 26 tetor.
