Një 30-vjeçar shqiptar ka humbur jetën ditën e sotme pas një aksidenti automobilistik në Selanik. Ngjarja ka ndodhur në Tagarades të Bashkisë Thermi, rreth orës 01:00 pas mesnate, kur mjeti i drejtuar nga i riu shqiptar ka dalë nga rruga dhe është përplasur me një pemë.
Në vendngjarje kanë mbërritur policia, ambulanca dhe dy mjete zjarrfikëse. Katër efektivë të zjarrfikëses kanë nxjerrë nga automjeti të riun shqiptar, i cili kishte ndërruar jetë.
Policia ka nisur hetimet për të përcaktuar shkaqet e këtij aksidenti të rëndë.
