Kupa e Botës ka ndryshuar ndjeshëm hierarkinë e kandidatëve për Topin e Artë, por triumfi në turne nuk garanton automatikisht fitimin e çmimit individual më prestigjioz.
France Football ka sqaruar se do të vlerësohet e gjithë sezoni, nga 1 gushti 2025 deri më 19 korrik 2026, dhe jo vetëm paraqitjet në Botëror. Fituesi do të shpallet më 26 tetor në Londër, për herë të parë jashtë Parisit.
Në 20 vitet e fundit, vetëm Lionel Messi në vitin 2022 dhe Fabio Cannavaro në vitin 2006 kanë arritur të fitojnë Kupën e Botës dhe Topin e Artë në të njëjtin vit.
Messi konsiderohet një nga favoritët kryesorë pas tetë golave dhe katër asistimeve në Botëror, edhe pse Argjentina u mund në finale. Ai zhvilloi gjithashtu një sezon të shkëlqyer me Inter Miamin, duke fituar titullin në MLS.
Rodri udhëhoqi Spanjën drejt titullit dhe u shpall lojtari më i mirë i turneut. Mesfushori fitoi gjithashtu FA Cup dhe Carabao Cup me Manchester Cityn, duke qenë lideri i padiskutueshëm i skuadrës.
Kylian Mbappé e mbylli Botërorin si golashënuesi më i mirë me 10 gola dhe u bë realizuesi më i mirë në historinë e kompeticionit, por sezoni pa trofe me Real Madridin mund të ndikojë në votim.
Harry Kane realizoi 61 gola në 51 ndeshje për klubin dhe kombëtaren, ndërsa fitoi tre trofe me Bayern Munich. Në garë janë gjithashtu Lamine Yamal, kampion bote me Spanjën, dhe Ousmane Dembélé, fituesi në fuqi, i cili zhvilloi një tjetër sezon të madh me PSG-në.
Kush e meriton Topin e Artë: Messi, Rodri, Mbappé, Kane, Yamal apo Dembélé?
