“Marca” raporton se Marcus Rashford është i gatshëm të pranojë një ulje drastike të rrogës vetëm të transferohet te Barcelona. Sulmuesi anglez ka dhënë “ok” për të ulur ndjeshëm pagën e tij në mënyrë që të përshtatet me Fair Play-in financiar të Barcelonës.
Anglezi paguhet 18 milionë euro në vit te Manchester United dhe pikërisht paga e sulmuesit ka qenë pengesë për shumë klube që kanë tentuar transferimin e tij.
Marcus Rashford, është kthyer në objektivin kryesor të katalanasve për të përforcuar sulmin në merkaton e dimrit dhe kanë afat deri më 3 shkurt për të finalizuar marrëveshjen.
Rashford është jashtë planeve të Ruben Amorim dhe i është bërë i ditur që s’ka më vend tek United, ndaj duhet të gjejë një ekip tjetër.
Drejtuesit e United janë të gatshëm të pranojnë huazimin e tij me kushtin e pandryshueshëm, që klubi i ri duhet të paguajë të gjithë rrogën për periudhën e huazimit.
