Hëna e plotë e qershorit njihet si “Hëna e Luleshtrydhes”, një emër që vjen nga fiset indigjene të Amerikës së Veriut, të cilat e lidhnin këtë periudhë me sezonin e shkurtër të vjeljes së luleshtrydheve.
Pavarësisht emrit, Hëna nuk do të shfaqet me ngjyrë rozë. Këtë vit ajo do të jetë edhe një mikrohënë, pasi do të ndodhet pranë pikës më të largët nga Toka në orbitën e saj. Për këtë arsye, do të duket paksa më e vogël dhe më pak e ndritshme se një Hënë e plotë e zakonshme.
Më 30 qershor, ngrini sytë drejt qiellit dhe shijoni një nga Hënat e plota më të veçanta të verës.
Pse quhet hëna e luleshtrydhes?
Sipas Almanakut, emri “hëna e luleshtrydhes” vjen nga fiset Algonquian të amerikanëve vendas, të cilët jetonin në veriperëndim të Shteteve të Bashkuara. Fiset Ojibwe, Dakota dhe Lakota e përdornin emrin për luleshtrydhet e egra në qershor. Ndaj hëna e plotë e qershorit u quajt “Hëna e luleshtrydheve”, sepse ky muaj është periudha më e përshtatshme për vjeljen e frutave të verës.
