Bayern Munich ka harruar humbjen 3-0 të pësuar në Champions League kundër Feyenoord duke mundur 2-1 në transfertë Freiburg në javën e 19-të të Bundesliga-s.
Për skuadrën e Kompany kanë shënuar Kane (15′) dhe Kim (54′), ndërsa për vendasit ka shënuar Ginter në të 68-ën.
FREIBURG-BAYERN 1-2 – GOLAT – VIDEO
Bavarezët tani kryesojnë kampionatin me gjashtë pikë avantazh edhe falë barazimit 2-2 të Leverkusen në fushën e Leipzig.
LEIPZIG-LEVERKUSEN 2-2 – GOLAT – VIDEO
Kampionët në fuqi kanë shpërdoruar një avantazh 2-0 pas golave të shënuar nga Schick (18′) dhe Garcia (36′), me vendasit që janë kundërpërgjigjur me Raum (41′) dhe autogolin e Tapsoba (85′).
Barazim 2-2 edhe për Borussia Dortmund kundër Werder Bremen. Verdhezinjtë, pavarësisht se kanë mbetur me 10 lojtarë në minutën e 21-të, kanë kaluar në avantazh me Guirassy (28′) dhe e kanë dyfishuar avantazhin me një autogol të Friedl (51′).
DORTMUND-WERDER 2-2 – GOLAT – VIDEO
Megjithatë, Werder ka shfrytëzuar superioritetin numerik dhe ka arritur të barazojë me Bittencourt (65′) dhe Ducksch (2′).
