Telashe në horizont për Victor Osimhen. Sulmuesi nigerian dyshohet se ka sulmuar një gazetar të mërkurën në mbrëmje teksa po dilte nga një klub nate në Stamboll me miqtë e tij.
Ish-lojtari i Napolit duket se nuk e ka vlerësuar praninë e padëshiruar të kamerave dhe me sa duket ka sulmuar fizikisht dhe verbalisht njeriun që kishte bërë disa foto.
Gazetarja në fjalë, raporton media turke Posta, quhet Tolga Bozduman dhe skenën e ka përshkruar kështu:
“Osimhenin e kam filmuar teksa dilte nga lokali, isha me tre kolegë, kur u fikën blicet, ai u tërbua: vrapoi drejt meje duke bërtitur, tentoi të më merrte kamerën por nuk e lashë dhe më goditi me grusht.
“Kam akoma dhimbje. Më pas ai filloi të shante dhe më tha: ‘Shkatërroji fotot, do të jap para’. Unë refuzova dhe ai më kërcënoi: ‘Do të të shkatërroj’”.
Lojtari, ashtu si Galatasaray, nuk ka komunikuar ende asgjë lidhur me këtë lajm.
