Jonathan Tah, qendërmbrojtësi i Bayer Leverkusen, do të largohet në fund të sezonit nga kampioni në fuqi i Bundesligës dhe e ardhmja e tij do të jetë në La Liga. Prej kohësh është thënë që Barcelona ka arritur një marrëveshje paraprake me lojtarin dhe në verë ai do transferohet si lojtar i lirë te katalanasit.
Por mesa duket gjërat mund të ndryshojnë dhe pas kësaj prapaskene qëndron Real Madrid. Klubi madrilen është futur në garë dhe kërkon t’i ndryshojë mendjen mbrojtësit gjerman, avantazhi kryesor i tyre është që trajneri i ri do jetë Xabi Alonso, i cili e njeh më së miri Jonathan Tah dhe mund të ndryshojë komplet situatën.
Jonathan Tah ka është një nga pikat kyçe te Bayer Leverkusen, duke u dalluar për qëndrueshmërinë e tij mbrojtëse, aftësinë për të mbajtur topin dhe aftësinë ajrore. Këto cilësi e bënë atë prioritet për Barcelonën, e cila synon të forcojë linjën e saj mbrojtëse për sezonin e ri.
Megjithatë, hyrja e Real Madrid-it në garë mund të ndryshojë planet e klubit katalanas, duke krijuar një kapitull të ri në rivalitetin historik mes këtyre dy gjigantëve spanjollë.
