Xabi Alonso sipas të gjitha gjasave do të jetë trajneri i ri i Real-it për sezonin e ardhshëm, pasi tashmë është e konfirmuar që Carlo Ancelotti do të largohet në fund të sezonit.
Duket se Alonso ka filluar që tani të mendojë për stolin e Real-it, duke pasur ide të qarta jo vetëm në skemën taktike që do përdorë, por dhe për transferimet e reja.
Fichajes raporton se emri i parë që Alonso do t’i kërkojë Perez është ai i Florian Wirtz. Interesi i Xabi Alonso-s për Wirtz nuk është i rastësishëm.
Si trajner aktual i Bayer Leverkusen, Alonso ka ndjekur drejtpërdrejt rritjen e mesfushorit të ri sulmues, duke përforcuar besimin e tij se 21-vjeçari mund të jetë një element kyç në suksesin e Real Madrid-it në vitet e ardhshme.
Gjithashtu mesfushori gjerman shihet nga Alonso si pasuesi ideal i Luka Modric, kroati pritet të largohet në fund të sezonit dhe ta vazhdojë karrierën në MLS.
