Real Madrid e mbylli sezonin pa asnjë trofe, ndërsa presidenti Florentino Pérez ka dhënë versionin e tij për arsyen kryesore të këtij dështimi.
Në një intervistë me Josep Pedrerol, Pérez deklaroi se Kupa e Botës për Klube ishte faktori që ndikoi më shumë në vështirësitë e skuadrës gjatë sezonit.
Sipas presidentit të Real Madrid, pjesëmarrja në këtë kompeticion prishi përgatitjet e klubit, duke mos i dhënë skuadrës mundësinë të zhvillonte një fazë përgatitore normale dhe të rikuperonte plotësisht gjendjen fizike.
“Këtë vit, ne te Real Madrid nuk arritëm rezultatet që dëshironim, por sipas meje, rrënja e të gjitha këtyre problemeve është te Kupa e Botës për Klube. Nuk patëm një fazë përgatitore të duhur dhe nuk arritëm të rikuperonim gjendjen fizike”, u shpreh Pérez.
Presidenti madrilen foli gjithashtu edhe për zërat që lidhen me emërimin e mundshëm të José Mourinho si trajner i ri i Real Madrid.
