Neymar është sërish në qendër të vëmendjes në Brazil. CBF ka dërguar në FIFA listën paraprake me 55 lojtarë, nga e cila Carlo Ancelotti do të zgjedhë 26 emrat përfundimtarë për Botërorin.
Lajmi më i madh është përfshirja e Neymar. Ylli i Santos po tenton të arrijë Botërorin e tij të fundit me Brazil, ndërsa në vend ka pasur edhe një fushatë mbështetëse për rikthimin e tij në kombëtare. Shokë skuadre, ish-lojtarë dhe figura të njohura kanë kërkuar që ai të jetë pjesë e skuadrës.
Megjithatë, qëndrimi i Ancelotti është i qartë: Neymar do të grumbullohet vetëm nëse është 100% gati fizikisht. Sulmuesi ka dhënë sinjale pozitive së fundmi, duke shënuar edhe ndaj Bragantino fundjavën e kaluar.
Në anën tjetër, dilema më e madhe lidhet me Estêvão. Talenti brazilian ka pësuar një dëmtim muskulor dhe rrezikon të mos jetë në formën e duhur për fazën e grupeve. Kjo ka hapur debat brenda CBF dhe stafit të Ancelotti, pasi Estêvão shihet si një lojtar shumë i rëndësishëm për të ardhmen e Brazil.
Situata e tij mund t’i hapë rrugën Endrick, i cili po lufton për një vend në listën përfundimtare. Sulmuesi ka fituar pikë me paraqitjet e tij te Lyon dhe shihet si një nga kandidatët më të fortë për repartin ofensiv.
Brazil pritet të publikojë listën përfundimtare më 18 maj, kur Ancelotti do të reduktojë grupin nga 55 në 26 lojtarë. Në sulm, konkurrenca është shumë e madhe, me emra si Vinicius Jr., Raphinha, Gabriel Martinelli, João Pedro, Matheus Cunha, Igor Thiago, Neymar dhe Endrick.
Sipas rregullave të FIFA, Brazil mund të bëjë ndryshime për shkak dëmtimesh deri 24 orë para ndeshjes së parë, ndërsa për portierët zëvendësimet lejohen gjatë turneut, por vetëm nga emrat e përfshirë në listën paraprake.
