Pas lirimit nga burgu i Fierit ku ai ndodhej prej afro 7 muajsh, reperi Kleviol Ahmeti i njohur ndryshe si Cllevio, ka folur për ditët e tij të burgimit, gjatë të cilave përjetoi dhe momente të vështira pasi humbi babain.
Në Liven e hapur mbrëmjen e djeshme në TikTok, Cllevio u shpreh falenderues që u ekstradua nga Dubai në Shqipëri pasi ai arriti të shikonte babain e tij për herë të fundit.
“Më vdiq babi në Amerikë edhe u munduam ta nderonim ashtu siç i takonte për ta sjellë në vendin e tij. E sollëm këtu dhe kur ishte dita e varrimit unë dola me leje 5 orë për t’i prekur arkivolin se vetë nuk mund ta prekja se arkivoli ishte i mbyllur. Ja bëra të gjitha adetet që i duhen bërë një prindi, e për këtë isha i kënaqur se erdha në Shqipëri se po të isha në Dubai nuk do e dija enuk do më kishte treguar njeri” tha Cllevio.
Më tej, reperi duke mos zbuluar emra apo detaje të tjera, tha se në burgun e Fierit po kryejnë dënimin dhe shumë shefa komisariateshe e drejtora të bashkisë së Tiranës të cilët sipas tij i ka dërguar SPAKU atje.
Cllevio tha: Te burgu janë të gjithë drejtorat e Bashkisë së Tiranës, çfarë janë disa që i ka kap SPAKU e i ka sjellë aty. Janë të gjithë shefat gango. I kisha te burgu unë. Nja dy janë çuna të mirë, që rrinë me shokët tanë. 2 policë. Janë ca çuna të tjerë, shefa komisariatesh jashtë këta o vëlla.
Ky më shokët e vet, më pritën. E kur më pritën këta ma shtruan burgun me tapet të kuq. Ju se dini ç’a është kjo, por do ua shpjegoj unë. Tapeti i kuq në burg është: Do dhomë ti vëllai? Ja ku e ke. Çfarë do tjetër, të flasësh në telefon? Po! Ja ku e ke! Do orën ti? Mbaje në dorë! Aman ju thashë se do ma vjedhin nga dora. Kur shikoja ndonjërin e fshihja orën. Dua të them se të marrin orën atje. Po atletet? Uuu i paske Hermes thotë: M’i jep çik mua sa të bëj një takim. E nuk t’i jep më ai. Çfarë do i thuash ti: Më jep atletet?
