Grida Duma, moderatorja dhe ish-politikanja demokrate, ka bërë një komentim të situatës aktuale politike në vend, duke u fokusuar më shumë të politikëbërja e kryeministrit Edi Rama dhe kreut të PD Sali Berisha.
Nisur nga njëra prej temave më të përfolura së fundi mes dy kampeve politike, reforma zgjedhore, Grida Duma ka theksuar se kryeministri Edi Rama dhe lideri i opozitës, Sali Berisha, janë të janë të dy në të njëjtën trajektore, dhe po e bëjënë bashkë reformën zgjedhore.
“Ne duhet të kuptojmë çfarë prodhon qasja e pozitës dhe opozitës. Ne duhet të kuptojmë çfarë bëjnë për shqiptarët. Ajo që ne duhet te ndjekim ne. Para zgjedhjeve, Berisha ka propozuar 100 deputetë, pas zgjedhjeve, Rama thotë të shkojmë në 101. Teoria e lojës për të shkuar me shumë mënyra në një rezultat të njëjtë. Ndryshojnë variablin dhe thënë këtë ajo që na habit në këto momente është që të dyja palët duan njëjtën gjë uljen e numrit të deputetëve.
Shqetësimi i Ramës në mandatin e katërt nuk duhet të jetë tjetër, por të ketë lidhje me realitetin, jo ulja e numrit të deputetëve, që të shtojë drejtorët.
Shqetësimi i Berishës nuk duhet të ishin numrat, por mënyra se si zgjidhen këto deputetë. Dy liderët kërkojnë zvogëlimin e atyre të terreneve. Janë dy ndryshime që lidhen me mënyrën se si ulet terreni politik. Subjektet e reja varen nga mediat dhe frymëzimin e publikut nëpërmjet komunikimit”, tha ajo në një intervistë dhënë në emisionin “Breaking” në Top News.
Më tej e pyetur në lidhje me opinionin e saj për “llogaritë” e PD se sa do të qendrojë në opozitë Grida Duma u përgjigj, duke theksuar edhe se brenda Partisë Demokratike ka njerëz me vlera dhe kontribute të cilët sipas saj mund të bëjënë më shumë : “Unë e kam pyetur Berishën që PD a do ketë të njëjtën moshë biologjike, siç është lideri i opozitës. Nuk mund ti them Berishës si ta bëjë partinë, nuk mund t’ia japim këtë leksion. Ka një problem tjetër në të gjithë kampin opozitar, ka një mungesë dakordësie mes partive të vogla opozitare. Nuk kam dyshim që në PD ka njerëz me vlera dhe kontribute që mund të bëjnë më shumë, ashtu si në PS, ku Rama nuk ka nevojë për deputetët e vet sepse e bën çdo gjë vetë. Dy liderët e forcave kryesore politike e kanë mbyllur lojën vet”
Grida Duma u ndal edhe foli edhe për faktorin ndërkombëtar dhe rolin e tij në reformën zgjedhore dhe elektorale: “OSBE-ODIHR nuk ndryshon gjë në ekzekutiv dhe legjislativ. Ambasada SHBA dhe ambasada e Britanisë së Madhe kanë pas rol në marrëdhënien PS-PD. Sot ka një rënie të interesit për Ballkanin.
Për sa i përket momentit, SHBA e ka vëmendjen te lufta në Iran dhe nuk e ka vëmendjen për të ndërhyrë në Shqipëri. Ne duhet të ikim nga iluzionet që do vijnë ata dhe do të krijojnë zgjidhje. Zgjidhja dhe pengesa është brenda partive tona. Në këtë kuptim, ndërkombëtarët janë një faktor minor”.
Dhe në përfundim të intervistës Grida Duma, bëri një “parashikim” sa i përket konfigurimit politik në vitin 2029: “Ajo që parashikoj unë është se me këtë mpirje që i ka bërë Rama dhe Berisha vendit shumica ka tendencën të shkojnë te PS dhe vetë Rama thonë se ne nuk jemi më të mirët, por më të mirë se ne nuk ka. Ndërkohë, PD thotë se ne nuk fitojmë se nuk ka zgjedhje me Ramën. Aksioma e tyre është se ne futemi në zgjedhje, por zgjedhje nuk ka. Shqetësimi do të ishte platformë ndërkombëtare e PD. Nëse opozita shpreson se të ikurit janë të pakënaqur, duhet të zgjidhë ngërçin e votave, si realizohet votimi elektronik në kohë rekord, etj”.
