Ish-banori i Big Brother VIP Albania, Dj Gimbo, u eliminua nga gara mbrëmjen e së martës, duke i dhënë fund rrugëtimit të tij në shtëpinë më të famshme në Shqipëri.
Ndryshe nga praktika e zakonshme, ku ish-konkurrentët qëndrojnë në Tiranë për intervistat e para pas daljes, Gimbo vendosi të largohej menjëherë drejt Prishtinës.
Largimi i tij i menjëhershëm u shoqërua me një valë spekulimesh në rrjet. Në orët në vijim, në mediat sociale qarkulluan lajme të pakonfirmuara se ai ishte ndaluar nga autoritetet sapo kishte hyrë në Kosova.
Postime dhe tituj sensacionalë pretendonin madje se ish-banori ishte vënë në mbajtje në pranga për 48 orë, duke shkaktuar reagime dhe shqetësim te ndjekësit e tij.
Megjithatë, këto raportime rezultuan të pavërteta. I vetmi fakt i saktë ishte udhëtimi i tij drejt Kosovës.
Sipas burimeve dhe provave të fundit, Gimbo ndodhet i lirë në Prishtinë dhe po shijon rikthimin në jetën jashtë pas reality show-t. Një fotografi e publikuar së fundmi e tregon atë të buzëqeshur në shoqërinë e biznesmenit Rrahim Pacolli, teksa ndodheshin në ambientet e Arbëresh.
Publikimi i imazhit ka hedhur poshtë çdo aludim për probleme me ligjin, duke konfirmuar se lajmet për ndalim ishin thjesht thashetheme të përhapura në rrjetet sociale per klikime.
