E shtuna pritet të sjellë mot relativisht të qëndrueshëm në vend, me vranësira të pjesshme dhe intervale me diell në pjesën më të madhe të territorit.
Sipas parashikimeve meteorologjike, në zonat e ulëta, termometri pritet të arrijë deri në 18 gradë Celsius, ndërsa temperaturat minimale gjatë natës dhe orëve të para të mëngjesit do të zbresin deri në 9 gradë Celsius.
Era pritet të jetë e lehtë deri mesatare, ndërsa në disa zona nuk përjashtohet mundësia për reshje të lehta shiu.
Në përgjithësi, kushtet atmosferike pritet të jenë të favorshme për lëvizje dhe aktivitete gjatë fundjavës.
