Në Qafë Thore, reshjet e dëborës vazhdojnë me intensitet të lartë, duke krijuar vështirësi në qarkullim.
Aktualisht, po punojnë dy borëpastruese njëkohësisht për të mbajtur rrugën të hapur dhe të kalueshme, ndërsa qarkullimi momental vazhdon pa probleme.
Sipas parashikimeve të motit, reshjet pritet të vijojnë gjatë gjithë natës, çka mund të ndikojë në lëvizjen e automjeteve dhe në punën e borëpastrueseve.
Situata monitorohet nga grupet e punës, të cilat janë të vendosura në terren për të garantuar sigurinë e udhëtarëve.
Autoritetet bëjnë thirrje për kujdes maksimal, duke rekomanduar drejtuesve të mjeteve të pajisen me zinxhirë dhe të ndjekin udhëzimet e stafit në terren gjatë udhëtimit drejt Qafë Thores.
