Kryedemokrati Sali Berisha ka sulmuar ashpër gjyqtarët e Gjykatës Kushtetuese.
Këta të fundit ende nuk kanë dhënë një vendim për pezullimin e zëvendës kryeministres Belinda Balluku, duke ngritur shqetësime për pavarësinë e sistemit gjyqësor.
Berisha: Mënyra e vetëposhtërimit të gjykatësve të Gjykatës Kushtetuese është e pashembullt në historinë e një shteti. Njerëz të shkolluar, të shëtitur nëpër botë, që mund të kenë përfunduar jashtë dhe të jenë kthyer, shndërrohen në larva njerëzore. Dhe, bëhet strofulla e fundit e atyre që ju kanë vjedhur ju, që lanë të sëmurët pa ilaçe në spitale, atyre që përzënë të rinjtë nga Shqipëria dhe mblidhen, njëri thotë kështu, tjetri kështu. Mblidhen për së dyti, njëri ja mbath, thotë nuk kam kohë, ikën sepse i nxjerrin videot e horit nga Oltion Bistri të regjistruara nga Lubia. Ky është vetëm një aspekt.
