Raporti mes Gretës dhe Selin ka hyrë në një fazë të ftohtë gjatë kësaj jave, me të dyja që e kanë shprehur hapur pakënaqësinë ndaj mënyrës së lojës së njëra-tjetrës. Distanca emocionale mes tyre po bëhet gjithnjë e më e dukshme, ndërsa tensioni po ndikon drejtpërdrejt në dinamikat e shtëpisë.
Në një klip të fundit, Selin dëgjoi Gretën teksa bisedonte me banorët, ku ajo shprehej se ndiente frikë se popullariteti i Gretës mund të përbënte një kërcënim për të. Nga ana tjetër, Greta kuptoi se Selin kishte deklaruar se lidhja mes tyre nuk është e afërt as jashtë shtëpisë, duke theksuar se i vetmi element që i bashkon është vëllai i Selin, i cili njëkohësisht është partneri i Gretës.
Pas publikimit të klipit, Selin sqaroi se stili i saj i lojës është i ndryshëm dhe se Greta ka zgjedhur Kristin si aleat. E pyetur nëse një përmirësim i marrëdhënies për arsye loje mund të dëmtonte miqësinë e tyre jashtë shtëpisë, Selin u shpreh e bindur se kjo nuk do të ndodhte.
Nga ana e saj, Greta theksoi se Selin është personi që ajo do më shumë brenda shtëpisë dhe shtoi se i kishte kërkuar asaj të mos e linte Mirin. Megjithatë, Selin hodhi poshtë këto deklarata, duke insistuar se nuk kishte thënë diçka të tillë dhe se asnjë debat nuk do të ishte më i rëndësishëm sesa marrëdhënia e tyre si pjesë e së njëjtës familje.
Selin u pozicionua si vigjilente, por jo armiqësore, duke nënvizuar se Greta kishte hyrë në lojë me një kauzë të sajën dhe se tani ishte momenti të vendoste nëse do të priste mbështetje apo do të vazhdonte e vetme.
Ndërkohë, Greta vijoi të shprehte bindjen se Selin nuk ishte në gjendje të tregonte të njëjtën dhembshuri për të, ashtu si ajo për Selin. Tensioni mes tyre vazhdon të rritet, ndërsa Miri vuri në dukje se Greta është e vetmja që mund ta nxjerrë Selin nga loja, duke e bërë atmosferën brenda shtëpisë edhe më të ngarkuar dhe të paparashikueshme.
