Disa pamje të rënda po qarkullojnë në media sociale të shkëputura nga një episod i regjistruar mbrëmjen e djeshme në “Big Brother VIP Kosova”. Bëhet fjalë për një bisedë mes Lim Hotit dhe Alba Pollozhanit me mikrofona të fikur.
Dyshja më e komentuar e këtij edicioni, po qëndronin në dhomën e gjumit të ulur përballë njëri-tjetrit teksa Lim Hoti i është drejtuar Albës me ton të ashpër, kërcënues dhe fjalë denigruese, disa prej tyre në gjuhën angleze. Madje në një moment “Vëllai i Madh” i tërheq vëmendjen reperit, por kjo nuk e ndal diskutimin mes tyre.
“Mos e bëjë të kalojë në nivel tjetër muhabeti, mos më trego ti mu Zotin tënd. Shhh!! You Motherfer, shut the f up. E din ti shumë mirë se çfarë po të them”, i tha ai Albës, ndërsa kjo e fundit nuk reagoi.
Këto momente kanë nxitur reagime të shumta online pas sjelljes së papranueshme të reperit kundrejt Albës. Mbetet për tu parë nëse këto pamje do të transmetohen në prime-n e ardhshëm dhe nëse do të merren masa ndaj Lim Hotit.
Ky i fundit sapo është bërë pjesë e BBVK. Dikur Lim Hoti ka pasur një histori me Albën, por që tashmë ka përfunduar. Kjo e fundit nuk ka reshtuar së qari që prej momentit që reperi është bërë pjesë e shtëpisë, duke thënë se dashuria për të ende nuk ka përfunduar, por Limi nuk i është përgjigjur me të njëjtën monedhë.
