Përleshje të reja kufitare kanë shpërthyer sërish midis forcave talebane të Afganistanit dhe Pakistanit, me çdo palë që akuzon tjetrën për shkeljen e një armëpushimi të brishtë. Banorët e qytetit afgan Spin Boldak janë detyruar të largohen gjatë natës, ndërsa një punonjës mjekësor në qytetin Kandahar bëri të ditur se katër trupa ishin dërguar në spital. Katër persona të tjerë janë plagosur, ndërsa tre prej tyre raportohet se janë nga Pakistanin.
Ka pasur përleshje sporadike midis dy vendeve në muajt e fundit, ndërkohë që qeveria talebane e Afganistanit ka akuzuar gjithashtu Pakistanin për sulme ajrore në territorin e saj. Të dy palët e kanë konfirmuar shkëmbimin e zjarrit, por çdora palë e akuzon tjetrën për nxitjen e katër orëve të luftimit. Mosharraf Zaidi, një zëdhënës i Kryeministrit të Pakistanit, Shehbaz Sharif, akuzoi talebanët për “zjarr të paprovokuar”. Ai shtoi se forcat e armatosura pakistaneze kishin dhënë një “përgjigje të menjëhershme dhe intensive”.
Nga ana tjetër, një zëdhënës i talebanëve tha se Pakistan ka “ndërmarrë sërish sulme” dhe se ata qenë të detyruar të përgjigjen. Banorët në anën afgane të kufirit treguan se shkëmbimi i zjarrit ka filluar rreth orës 22:30. Pamjet nga zona tregonin një numër të madh afganësh që iknin me këmbë dhe me automjete. Ali Mohammed Haqmal, kreu i departamentit të informacionit në Kandahar, tha se forcat pakistaneze kishin sulmuar me “artileri të lehtë dhe të rëndë”, duke goditur edhe shtëpitë e qytetarëve.
Këto përleshje ngjarin vetëm pak muaj pasi të dy palët ranë dakord për një armëpushim të ndërmjetësuar nga Katari dhe Turqia, që përfundoi një javë e më shumë luftimesh, më të këqijat që nga rikthimi në pushtet i talebanëve në 2021. Qeveria pakistaneze akuzon vazhdimisht talebanët afganë për strehimin e grupeve të armatosura që kryejnë sulme në territorin e Pakistanit, të cilat akuzat janë mohuar nga të dy palët.
