Ermal Beqiri, një nga personazhet më të kërkuar të SPAK lidhur me dosjen famoze të AKSHI-t u arrestua ditën e djeshme nga autoritetet franceze duke fluturuar me avion privat mbi një central bërthamor.
Sipas raportimeve, Beqiri dyshohet se ishte duke bërë spiunazh mbi zonën me fluturim të kufizuar, pasi atij i janë gjetur disa pajisje përgjuese.
Thonë se shqiptarët harrojnë shpejt, prandaj po sjellim ndërmed disa pasuri që SPAK i sekuestroi biznesmenit në prill të këtij viti.
Teksa Beqiri ishte në kërkim ndërkombëtar, SPAK sekuestroi një sërë pasurish që kapnin vlerën marramendëse të mbi 40 milion eurove.
Sipas njoftimit zyrtar të SPAK dhe dokumenteve të publikuara nga media, pasuritë e sekuestruara që i atribuohen Ermal Beqirit përfshijnë këto 10 pasuri të paluajtshme:
•Një vilë në kompleksin Green Coast, Palasë.
•Një vilë në kompleksin Rolling Hills, Lundër (Tiranë).
•Një apartament në rrugën “Hoxha Tasim”, Tiranë.
•Një apartament tjetër në Tiranë.
•Një apartament në zonën e Golemit, Kavajë.
•Një truall në Kavajë.
•Një pronë në Vlorë.
•Një pronë tjetër në zonën bregdetare të Vlorës.
•Një garazh/depozitë e lidhur me një nga apartamentet.
•Një tjetër pasuri e paluajtshme në Tiranë, e regjistruar përmes personave të lidhur me të.
*Përveç këtyre, SPAK vendosi sekuestro edhe mbi:
jahtin luksoz “Skyfall”;
*Disa automjete luksoze, përfshirë Mercedes-Maybach, BMW dhe Toyota Tundra;
*Disa prej llogarive bankare personale;
*Llogaritë dhe asetet e shoqërisë Soft & Solution.
Sipas SPAK, një pjesë e këtyre pasurive rezultonin të regjistruara në emër të punonjësve, familjarëve ose personave të tjerë të lidhur me Beqirin, ndërsa hetuesit dyshojnë se përfituesi faktik ishte ai vetë.
Këto pasuri janë sekuestruar në mënyrë parandaluese gjatë hetimit dhe çështja vijon të jetë në proces gjyqësor; sekuestrimi nuk përbën një vendim përfundimtar mbi fajësinë.
*Ky artikull është ekskluziv i “Ilirianews.al”, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar burimin dhe në fund të vendoset linku i lajmit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
