Bernardo Silva është zyrtarisht lojtar i Real Madrid. Mesfushori portugez i bashkohet klubit madrilen si transferim i lirë, pasi nuk rinovoi kontratën me Manchester City.
Pak para 32-vjetorit, Bernardo ka firmosur për dy sezone me “Los Blancos”, deri në vitin 2028. Transferimi ishte një kërkesë direkte e José Mourinhos, i cili ka luajtur rol vendimtar për ta bindur lojtarin.
Barcelona dhe Atletico Madrid ishin gjithashtu në garë për portugezin, madje Barça kishte avancuar shumë në negociata. Megjithatë, ndërhyrja e Real Madrid dhe telefonata personale e Mourinhos ndryshuan gjithçka brenda pak orësh.
Bernardo Silva largohet nga Manchester City si një figurë shumë e rëndësishme, pas nëntë sezonesh dhe 19 trofesh të fituar, mes tyre Champions League dhe gjashtë tituj në Premier League.
Te Real Madrid, ai pritet të sjellë eksperiencë, kreativitet dhe cilësi në mesfushë e sulm. Lojtari mund të luajë si fantazist, mesfushor ofensiv ose në krahun e djathtë, duke i dhënë Mourinhos më shumë alternativa në skemën e tij.
Prezantimi zyrtar i Bernardo Silvas pritet të bëhet në muajin korrik, së bashku me afrimet e tjera të Real Madrid.
