Situata e zjarrit në Daias të Tiranës paraqitet më e qetë në orët e mëngjesit, ndërsa vijon puna për shuarjen dhe izolimin e vatrave.
Flakët po mbahen nën kontroll nga forcat zjarrfikëse me mjete nga toka, ndërsa ndërhyrja po mbështetet edhe nga helikopterët.
Krahasuar me mbrëmjen e djeshme, kur situata u përshkallëzua dhe flakët u përhapën me shpejtësi, mëngjesi ka sjellë një përmirësim të dukshëm. Megjithatë, ekipet vijojnë të jenë në terren për të parandaluar përhapjen e zjarrit.
Deri tani nuk raportohet për banesa të djegura në zonë.
Zjarri ka përfshirë kryesisht sipërfaqe me bimësi dhe shkurre, ndërsa situata vijon të monitorohet nga autoritetet.
