Ish-konkurentja e Big Brother VIP Kosova, Juliana Nura, ka publikuar episodin e dytë të dokumentarit të saj, ku ka ndarë me ndjekësit detaje intime dhe emocionale nga rrugëtimi drejt mëmësisë.
Në këtë episod, Xhuli zbulon se personi i parë që telefonoi pasi mësoi se testi i shtatzënisë kishte dalë pozitiv ishte gjyshja e saj 96-vjeçare nga Finlanda. Emocionet e atij momenti zënë një vend të veçantë në dokumentar.
Ajo flet gjithashtu hapur për vendimin për t’iu nënshtruar fertilizimit in vitro (IVF), duke pranuar se zgjedhja e saj u shoqërua me shumë komente dhe paragjykime në rrjetet sociale. Megjithatë, Juliana thekson se nuk lejoi që opinionet e të tjerëve ta pengonin në rrugëtimin e saj.
“Nesër ndoshta martohem, gjej një partner shumë të mirë, do të jetë prind e babai për fëmijët e mi, pse jo”, shprehet ajo, duke lënë të hapur mundësinë për një histori të re dashurie në të ardhmen.
Dokumentari përfshin edhe pamje ekskluzive nga festa e saj “Baby Shoëer”, ku morën pjesë familjarë, miq të afërt dhe personalitete të njohura. Mes tyre ishte edhe aktivistja Vasfije Krasniqi, e cila iu bashkua këtij momenti të rëndësishëm.
